Ticarət gərginliyi qlobal maliyyə sabitliyi üçün risklər yaradır – BVF

Ticarət gərginliyi qlobal iqtisadi artımın tempini və maliyyə sabitliyini zəiflətmək təhlükəsi yaradır.  

FinFly-in məlumatına görə, bu barədə Beynəlxalq Valyuta və Maliyyə Komitəsinin (BVFK) sədri, Səudiyyə Ərəbistanının maliyyə naziri Məhəmməd bin Abdullah əl-Cədaan BVF-in iki günlük iclasının yekununda verdiyi açıqlamada bildirib.

“Son illər ərzində ticarətə dair narahatlıqlar artsa da, hazırda ticarət gərginliyi kəskin şəkildə yüksəlib. Bu da öz növbəsində qeyri-müəyyənliyi, bazarlarda dəyişkənliyi və artım və maliyyə sabitliyi üçün riskləri gücləndirib. Yaxın perspektivdə iqtisadi artımın zəifləyəcəyi, dezinflyasiyanın isə davam edəcəyi, lakin daha zəif templərlə irəliləyəcəyi proqnozlaşdırılır”, – deyə, o qeyd edib.

---