Türkiyədə illik inflyasiya yenidən azalıb.
FinFly Türkiyə Statistika Təşkilatına (TÜİK) istinadən xəbər verir ki, cari ilin aprel ayında illik inflyasiya 37,86 faiz təşkil edib. Mart ayında bu rəqəm 38,1 faiz təşkil etmişdi. Aprel ayında ayında istehlak qiymətləri əvvəlki aya görə 3 faiz artıb.
Qeyd edək ki, son bir ildə ərzaq və alkoqolsuz içkilər üzrə 36,09 faiz, nəqliyyatda 22,76 faiz, mənzillərdə isə 74,07 faiz artım müşahidə olunub.
Xatırladaq ki, Türkiyədə inflyasiya 2022-ci ilin oktyabrında son 24 ilin ən yüksək səviyyəsinə - 85,5 faizə çatmışdı, ötən il isə bu göstəricinin ən yüksək səviyyəsi - 75,45 faizlə may ayında qeydə alınıb.
