Ukrayna ayda 27 min nəfəri səfərbər edə bilər - Zelenski

Ukrayna ayda 27 min nəfəri səfərbər edə bilər, Rusiya isə 40-50 min nəfəri.

FinFly-ın məlumatına görə, bunu Ukrayna Prezidenti Volodimir Zelenski bəyan edib.

"Səfərbərlik hər müharibədə çətin məsələdir. Ukrayna da istisna deyil, çünki biz müharibənin sona çatmasını istəyirik. İnsanlar yorulur. Biz ayda 27 min nəfəri səfərbər edə bilərik, ruslar isə 40-50 min nəfəri", – deyə Zelenski bildirib.

Ukraynada 18 yaşdan səfərbərliklə bağlı bəzi xarici liderlərin fikirlərini şərh edən prezident qeyd edib ki, bu mərhələdə buna ehtiyac olmadığını düşünür.

"‘Tor’ əməliyyatı göstərdi ki, əsas məsələ insanların sayı deyil, silah və texnologiyadır. Həmçinin pul və təzyiq. Sanksiyalar isə məhz rusların müharibəni maliyyələşdirdiyi vəsaitlərə yönəldilməlidir", – deyə Zelenski izah edib.

---